ನಮ್ಮೊಳಗಿನ ನಾವು

ನಮ್ಮೊಳಗಿನ ನಾವುಗಳು ವಾಸ್ತವತೆಗೆ ಎಷ್ಟು ಸನಿಹ????

ಮಂದಹಾಸವ ಹೊತ್ತ ಮೊಗದ ಹಿಂಬದಿಗೆಲ್ಲೋ

ನೋವಿನಾ ಗಂಟನ್ನೇ ಹೊತ್ತು ತಿರುಗುವ ನಾವು!

ಗೆಲುವಿನ ಮೆಟ್ಟಿಲನು ಏರಿ ಭೀಗುವ ಹೊತ್ತಿನಲ್ಲಿ

ಸೋಲು ಕಲಿಸಿದ ಪಾಠ ಮರೆತು ಮೆರೆಯುವ ನಾವು!

ತಪ್ಪು ಮಾಡಿದರೆಂದು ಎತ್ತಿ ತೋರಿಸುವ ಸಮಯದಲಿ

ಒಳ್ಳೆ ದಾರಿಯ ತೋರಿಸದೇ ಎಡವಿ ಬೀಳುವ ನಾವು

ಸಾವೆಂಬುದೇ ಇಲ್ಲದಂತೆ ಬದುಕ ಸಾಗಿಸುವ ಪರಿಯ

ಬದುಕಿಯೇ ಇಲ್ಲದಂತೆ ಸಾವನಪ್ಪುವ ನಾವು!!!

ನಮ್ಮೊಳಗಿನ ನಾವುಗಳು ವಾಸ್ತವತೆಗೆ ಬಲು ದೂರ !!!

shru.bhanu